14-anyos nga witness gibantayan sa Balamban police
CEBU, Philippines - Katorse anyos nga witness sa pagtulis ug pagpatay sa iyang inahan niadtong Domingo sa kaadlawon gipabantayan na og mga polis sumala pa ni Chief Insp. Richard Olivar, hepe sa Balamban Police Station.
Matud ni Olivar nga dako og matabang sa kaso ang 14- anyos isip witness sa kasong robbery with homicide nga gipasaka batok kang Cesar Carmelotes, 44, ug sa kauban niini nga silingan ug paryente ra pulos sa biktima.
Ang menor de edad gihatod na pagbalik human ipaubos og stress debriefing sa mga sakop sa Department of Social Welfare and Development human naabot ang amahan niini nga mibalik gikan sa Australia niadtong Lunes sa gabii.
Matud ni Olivar nga laing kaso sa child abuse ang ila usab nga ipasaka batok sa duha ka suspek tungod sa paggapos nila sa mga kamot sa bata uban ang inahan niini nga gipatay nga si Jonalyn Abendan sud sa banyo.
Ang kapulisan anaa nay impormasyon sa gitaguan sa suspek apan nagpaabot lang sila og tukmang higayon sa pagsikop niini.
“Kahibaw na mi kung asa siya ug kung si kinsa siya pero nagpaabot ra mi ug saktong timing sa among pagdakop niya kay makadagan unya,†matud niya.
Giguba sa mga tulisan ang wooden grill sa kusina sa balay sa biktima ug misulod sa kwarto sa 14-anyos sa wala pa nila gisulod ang kwarto sa inahan sa bata.
Nakuha sa mga suspek ang P40,000 cash ug mga gadgets nga matud sa kapulisan anaa karon sa mga kamot sa gawasnon nga suspek.
Dako ang pagtuo sa kapulisan nga masikop nila kini sa dili pa matapos ang semana. (BANAT NEWS)
- Latest
