ASEAN defense chiefs pabor nga may COC sa West Philippine Sea
CEBU, Philippines - Nagkahiusa ang tanang military chiefs sa mga nasud nga sakop sa Association of Southeast Asian Nations sa kamahinungdanon sa usa ka legally binding Code of Conduct aron mahunong na ang tension sa South China Sea o West Philippine Sea.
Ang mga military chiefs mipahigayon og tulo ka adlaw nga meeting sugod niadtong adlaw nga Martes diha sa Naypyitaw, Myanmar.
"The early conclusion of the Code of Conduct in the South China Sea is crucial to maritime security and to a stable security environment in the region," matud pa sa ilang joint-statements.
Ang 11th ASEAN Chiefs of Defense Forces Informal Meeting, nagtuki karon alang sa pagpangita og solusyon sa regional security ilabi na kadtong gikonsiderar nga talagsaong mga problema sa maong mga nasud.
Pipila ka mga sakop sa ASEAN ang dili maayo karon og relasyon sa China gumikan sa gihulagway nilang agresibo niining pamaagi aron angkunon ang tibuok West Philippine Sea nga gituohang abunda sa lana ug gas.
Ang host sa maong panagtigom nga si Myanmar Commander-in-Chief Senior Gen. Min Aung Hling mihatag og gibug-aton sa kamahi-nungdanon sa malinawong paagi aron resolbahon ang kasungian.
Apan daw wala ang iyang kasingkasing sa mga kaubanan sa ASEAN tungod kay mas gipaboran niya ang gusto sa China nga kadto rang mga nag-ilog nga nasud maoy angay nga magsabot, butang nga dili gustong mahitabo sa Pilipinas. (BANAT NEWS)
- Latest
