Mga klase sa sakyanan sa killers nila ni archival nahibaw-an na
CEBU, Philippines - Nahibaw-an na sa Special Investigation Task Group ang tulo ka sakyanan nga gisakyan sa mga tawo nga mibanhig patay kang Atty. Noel Archival sumala pa sa tigpamaba niini nga si Supt. Renato Malazarte.
Miingon si Malazarte nga ila nang nahibaw-an kun unsa nga klase nga sakyanan ang gigamit sa mga killers apan nagdumili gihapon sila pagbutyag og dugang impormasyon sa dagan sa ilang imbestigasyon.
Dugang pa ni Malazarte nga nakuha sa CCTV ang tulo ka mga sakyanan nga nagsunod sa Ford Escape ni Archival pipila ka minuto sa wala pa mahitabo ang maong pagpamanhig.
“Nakakuha na mi sa CCTV nga makatudlo sa klase sa sakyanan pero wa pa gihapoy nakuha nga plate number,†sumala ni Malazarte.
Nasayran gikan sa crime scene base sa pamahayag sa kapolisan ug sa mga saksi nga puwa nga pick-up ang miuna sa sakyanan ni Archival ug duna say nagsunod nga itom nga pick-up.
Apan hangtod karon wala pa matino kun unsay partisipasyon sa usa ka awto nga nakita gihapon sa CCTV.
Gipaabot sab nga mohatag og resulta ang Digital Forensic Laboratory sa Anti-Cyber Crime Group-7 sa mga resulta sa ilang nakuha nga data gikan sa mga cell phone sa mga biktima.
Matud pa ni Malazarte nga tigumon nila ang tanang kasayoran nga nakuha sa task group aron mo-abante ang ilang imbestigasyon sa kamatayon sa abogado ug sa iyang mga trabahante. (/EIM)(BANAT NEWS)
- Latest
