67 pamilya nga maigo sa tukorong eskuylahan nangayo’g ayuda sa CH
CEBU, Philippines - Ang Muslim community sa barangay Ermita nihangyo sa kagamhanan sa syudad sa Sugbo og financial assistance alang sa ilang relocation.
Dunay 67 pamilya nga membro sa Carbon Muslim brotherhood Inc. ang nagtukod og balay sa luna nga planong tukuran og upat ka andana nga eskwelahan sa syudad sa Sugbo sa pakig-alayon sa Ramon Aboitiz Foundation Inc (RAFI) nga maoy labing maapektohan sa proyekto. Si Esmail Bao, pangulo sa Muslim Community sa maong barangay nidangop sa konseho pinaagi sa pagpadangat og suwat nga nangayo og hinabang.
“We would like to request for your benevolent assistance (financial aid) for us to use during the period of relocation,†matud ni Bao.
Gipalit sa RAFI ang lote nga 1,042 square meters, ug abagan sa City Hall ug DepEd ang pagpatukod niini sa P13 milyones nga estraktura.Ang committee on social services sa konseho mi-rekomendar nga mohatag og financial assistance sa maapektuhang mga pamilya.
“The commission deemed it just and proper to provide financial assistance to the affected members aside from the relocation site,†matud sa report.
Matud ni konsehal Gerardo Carillo ang chairman sa maong commission nga angayan lamang motabang ang syudad sa Sugbo gumikan kay ang Muslim community dako og tabang sa “trade and commerce†ug partners sa peace and order sa syudad.
Gi-refer usab sa konseho ang hangyo ngadto sa committee on budget and finance pagsuta kun duna bay pundo alang sa ilang relokasyon. (/EIM)(BANAT NEWS)
- Latest
