130 ka entries ang miapil sa Sinulog, seguridad ipakatap na sugod karon
CEBU, Philippines - Gikan 36 contingents, nahimo nalang kini karong 35 ang magtigi sa kompetisyon human ang Banay Azami contingent gitangtang alang sa Sinulog-based category tungod kay wa sila makakompleto Sinulog General Guidelines.
Matud ni Ricky Ballesteros ang director sa Sinulog Foundation Inc. (SFI) nga ang Banay Azami gikan sa Azami Japanese KTV Bar sa dalan F. Jaca dinhi sa Syudad sa Sugbo milapas sa No.4 sa Sinulog guidelines nga mao ang “the composition of the contingent shall be within the minimum of 60 and a maximum of 100 dancersâ€.
Kini human ang mi-grupo mibulgar nga duna lamang silay 30 ka mananayaw.
Sumala ni Ballesteros nga bisan nadiskwalipika ang Banay Azami, makatambong gihapon sila karong Domingo sa street dancing apan ila pa usab sutaon ang dance steps sa maong grupo panigurado nga di sila makalapas sa ubang guidelines.
Kagahapon, gi-final briefing ang kapin 130 ka mga contingents nga moapil sa SB category, Free Interpretation category, Float category, Higantes category ug Puppeteers category.
Ipakatap na karong adlawa ang liboan ka mga polis nga mobantay sa kadalanan sa dakbayan sa Sugbo atol sa Sinulog.
Matud pa ni Chief Insp. Enrique Belciña ang hepe sa Police Community Relations nga miabot kagahapong adlawa ang mga polis nga gi-augment gikan sa Regional Training School 7.
Sa sayong bahin niining buwan una nang gipakatap ang mga sakop sa Regional Public Safety Battalion 7 aron sa pagdugang sa pwersa sa kapolisan sa dakbayan sa Sugbo.
Sumala pa ni Chief Supt. Danilo Constantino ang hepe sa Police Regional Office 7 nga mopadala siya og kapin sa dos mil ka mga polis atol sa adlaw sa Sinulog. (/EIM)(BANAT NEWS)
- Latest
