DSWD migahin og p17milyones alang sa apektado sa oil spill
CEBU, Philippines - Ang Department of Social Welfare and Development (DSWD) Central Visayas mohatag og P17 milyones nga pundo alang sa cash-for-work program aron matabangan ang mga apektadong mananagat sa Cordova tungod sa oil spill.Si DSWD-7 information officer Kerwin Macopia miingon nga si DSWD secretary Corazon “Dinky†Soliman miaprubar sa maong pundo nga gipangayo sa Central Visayas.
Matud niya kabahin kini sa nagpadayong kalihokan aron matabangan ang mga apektadong mga mananagat tungod sa pagkalunod sa MV Saint Thomas Aquinas.
Naapektahan ang panginabuhian sa maong mga mananagat tungod sa oil spill.Matud ni Macopia 2,996 ka apektadong pamilya sa Cordova ang patabangon sa rehabilitasyon sa kabaybayonan ug bayran sila og P245 kada adlaw sud sa napulo ka adlaw. Dugang 1,600 ka pamilya usab gikan sa coastal barangays sa Talisay City ang mitabang sa DSWD Region VII.
Sumala pa ni Jenifer Abastillas, focal person sa Disaster and Risk Reduction Management Unit (DRRMU) of DSWD-7, sa Cordova ug Talisay City nasumitir na nila ang listahan sa mga apektadong pamilya. (BANAT NEWS)
- Latest
