Napulo ka TOCA awardee ginganlan ni Senining eksamin sa pagka-principal gitakda sa Dec. 2013

CEBU, Philippines - Ang Department of Education (DepEd) mipagawas og tamdanan alang sa ipahigayon nga qualifying test alang sa pagka- school principal sa mga tunghaang publiko karong tuig 2013.  Matud pa ni Regional Director Carmelita Dulangon sa DepEd7  nga  kining  maong  kasayoran  gikan  sa buhatan  sa  Kalihim  sa Edukasyon.

Miingon si  Dulangon  nga  matud  pa ni DepEd Secretary Armin Luistro nga ang gitakda nga pasulit maoy himoon nga sumbanan pagpili og takus nga mangulo sa public basic education sector nga makahimo sa mga buluhaton isip hepe  sa eskuylahan mismo sa unang adlaw sa iyang pagtrabaho.

"It is important that our school heads go through a strict screening process to ensure that we only get the best educators in our bureaucracy," matud pa ni Luistro.  Si Dulangon  midugang  nga ang DepEd Memo No. 132 series of 2013 nagpahibalo nga ang pasulit nga himoon karong tuiga pagka Principal 1 bukas alang sa tanan nga interesado ug kwalipikado nga aplikante lakip na kadtong gikan sa Reclassification of School Head Positions. 

Ang aplikante kinahanglan nga adunay kasinatian isip Head Teacher, Teacher-in-charge, Master Teacher ug Teacher 3.

Ang maong pasulit magalakip sa mga aspeto sa school leadership, instructional leadership, ability to create a learning climate, professional human resource development, parent involvement & building communities.

School management & daily operations, personal integrity & interpersonal sensitivity, English language proficiency ug reading comprehension.  Matud  niya  nga ang pasulit gitakda nga himoon karong Disyembre 8, 2013 ug ang katapusang adlaw sa pagpanawat og aplikasyon sa mga division offices kutob sa Nobiyembre 4, 2013. (Liezl Mabini  Frasno-Correspondent/WC)

2  nga naghupot og gidiling  drugas tiklo

Duha ka tawo nasikop  sa kapolisan  sa dakbayan  sa Danao  kay  naghupot  og  gidili  nga  drugas  sa miaging  gabii.

Ang  mga  suspetsado  nailhan  nga  mao  sila  si  Lendon Tito, 27, ulitawo, drayber  sa traysikad  nga  taga  barangay  Taytay,  ug  Retchie Marie Batocan,  23, ulitawo,  nga  taga dalan  Juan  Luna, barangay  Poblacion, tanan  sa dakbayan  sa Danao.

 Si  Tito  maoy  nakit-an  ni PO1 Donel Capuyan sa Danao Police Station nga nagdala   sa usa  ka plastic bag   nga miadto  sa ilang  police  station  nga  naghangus  sa dinagan.

Dihang  iya  kining  girikisa  nakuhaan  niya  og  duha ka linikit nga pinaugang dahon sa marijuana nga maoy hinungdan nga  iya kining  gidakop ug gibalhog sa detention cell.

Si SPO2 Ildefonso Prosia  miingon  nga  nangatarungan  si Tito  nga gigukod kini sa daghang mga tawo gikan sa ilang panimalay.

Samtang  si  Batocan  gipasanginlan nga nangawat og cell phone  nga nagkantidad og P18,000  gikan  sa usa ka  babaye  didto  sa ilang  dapit. Gigukod   kini  ug  gikulata  sa   mga standby  busa  ang  mga  silingan  nga  nakakita  maoy mitaho  sa kapolisan.

Pag-abot  sa  mga  polis  gihiling  ang  lawas  niini  ug  nasakmitan  og  usa  ka pakete sa gituohang shabu nga maoy hinungdan nga ilang gidakop ug gibalhog sa ilang detention cell.

Giandam  na ang  kaso  nga  ipasaka  batok  sa maong  mga  suspetsado. (BANAT NEWS)