Quiboloy, laing tulo nalutsa’g extradition warrants

CEBU, Philippines — Usa ka korte sa Makati  ang niisyu og extradition warrants batok kang Pastor Apollo Quiboloy ug duha ka mga kauban niining akusado basi sa request gikan sa Amerika, sumala pa sa Department of Justice said.

Ang Makati Regional Trial Court Branch 145 niisyu og  warrants atong Huwebes, November 12  batok kang Quiboloy, Teresita Tolibas Dandan ug Helen Panilag human nakita nga adunay probable cause, sumala pa sa DOJ.

Si Quiboloy, daan ng naka-detain human siya gidakop sa kapolisan didto sa Davao City.

"On 12 November 2026, pursuant to Section 4, Rule 2 of the Rules on Extradition Proceedings, the court issued an Extradition Warrant of Arrest against the foregoing individuals, after finding probable cause that: (a) each extraditee is the person named in the corresponding foreign arrest warrant and indictment, (b) that the offenses charged are extraditable offenses, and (c) that each extraditee committed the offense or offenses charged," sumala pa sa pamahayag sa DOJ.

Nipagawas sab og hold departure orders ang korte batok sa tulo aron dili sila makagawas sa nasud.

Ubos sa Rules on Extradition Proceedings, ang korte maoy kinahanglang personal nga mohatud ngadto kang Quiboloy ug mga kaubanan sa summons ug kopya sa petition apil ang mga annexes niini kung madawat na ang notisya nga nilampos ang pag-aresto. Hatagan sila og 15 ka adlaw gikan sa pagdawat para motubag.

Ang DOJ sa sayo pa niingon nga ang US extradition request niabot ngadto sa Makati RTC adtong November 9.       

Si Quiboloy giakusahan sa mga otoridad sa US nga nalambigit sa international human trafficking, sex trafficking, conspiracy and bulk cash smuggling.

Si Quiboloy napriso karon dinhi sa Pilipinas tungod sa kasong child and sexual abuse sa korte sa Quezon City court ug laing kasong qualified human trafficking sa Pasig City court.

Kani tanang gipasangil batok kang Quiboloy, iyaha ning gipanghimakak.— Gikan sa Philstar.com, IBM BANAT NEWS