Cebu transport group mi-deny nga nisuporta sila sa TUCP

CEBU, Philippines -  Adunay 50-porsiyento sa mga pampublikong transport sector sa Sugbo ang misuporta sa Joint Alliance of Marginalized Groups (1-JAMG) Party-list.

 Matud pa 1-JAMG coordinator sa Central Visayas nga si Ryan Benjamin Yu, ang mga transport groups nga misuporta lakip na ang  Cebu Integrated Transport Service Multi-Purpose Cooperative (CITRASCO); Alyansa sa Nagkahiusang Draybers-Operators Alang sa Reporma (ANDAR); ug ang mga mini bus,  v-hire drivers ug operators sa Northern Cebu.

Matud pa ni Yu nga ang CITRASCO pa lang aduna nay 2,000 ka miyembro nga drivers samtang ang  ANDAR adunay kini kapin  3,000 ka mga miyembro. The v-hire drivers ug operators sa norte naa usab 500 ka mga miyembro.

Gihimakak usab ni Yu nga ang CITRASCO, kinsa siya ang chairman ug general manager nga misuporta sa Trade Union Congress Party Party-list.

“Dili na tinuod kay we are supporting 1-JAMG," matud pa ni  Yu nga nahinabi sa Banat News.

Midungag si Yu nga ang  1-JAMG Party-list dunay adbokasiya sa pagreporma sa agricultural sector ug reporma sa public land transport sector aron molambo ang serbisyo sa publiko ug pag-uswag sa kinabuhi sa mga stakeholders.

Dugang pa ni Yu nga aduna na silay mga programa diin ang mga  card-bearing nga miyembro makagamit sa serbisyo sama sa hospitalization, medicine ug burial assistance. (BANAT NEWS)