2 pawikan gibuhian ni Radaza

MANILA, Philippines - Gipangunayan ni Lapulapu City Mayor Paz Radaza ang pagbuhi sa duha ka mga pawikan sa Shangrila Mactan Marine sanctuary kagahapon sa buntag.

Ang duha ka pawikan mitimbang kini og 12 ug 7 kilos pormal nga gitugyan ni Fe Acuymo ( usa ka negosyante og mga tropical fish) sa Brgy. Suba-Basbas dakbayan sa Lapulapu.

Matud pa ni Acuymo sa milabay’ng adlaw adunay mga mananagat nga mitunga sa ilang buhatan ug mibaligya sa maong mga pawikan balor og P200 matag usa .

Gumikan kay nasayod si Acuymo nga usa kini ka kalapasan sa balaod pagtiner sa mga “endangered species” sama sa pawikan iya kining gitugyan sa mga sakop sa “Task Force Kalikasan” nga gipangulohan ni SPO1 Jomar Ybañez.

Kagahapon sa mga alas 9:30 sa buntag si Radaza maoy mibuhi sa duha ka pawikan og balik ngadto sa dagat uban sa panghinaot nga unta mamahimong modelo si Acuymo sa uban nga nagtiner og mga hayop nga endangered nga itugyan ngadto sa kagamhanan aron mahatagan kini og maayong pag-atiman.

Matud pa ni Radaza mohatag siya og pasidungog ngadto sa mga tawo nga motugyan sa mga hayop nga endangered species ngadto sa kagamhanan sa dakbayan sa Lapulapu. Dako ang pasalamat ni Mayor Radaza ngadto ni Acuymo sa iyang pagtugyan sa maong mga ba-o diin mabalik na kini sa iyang normal nga pinuy-anan sa kadagatan sa Lapulapu. (/EIM)(BANAT NEWS)