Pamantalaan sa Star Group mabasa sa tibuok kalibotan

CEBU, Philippines - Ang mga balita sa mga pamantalaan nga ubos sa Star Group mabasa na karon sa mga digital devices kon mga kahimanang digital. Ang mga pamantalaan nga ubos sa Star Group nga mabasa sa digital devices mao ang Pilipino Star Ngayon, Pang Masa, The Freeman ug Banat News diin makita na kini sa mga tablets ug phones bisan asang dapita sa kalibotan.

Ang Press Reader nga usa ka kiosk sa newspaper ug magazine   nga may 2,000 ka mga full-content newspaper gikan sa 95 ka mga nasud sa 51 ka mga pinulongan ngadto sa labing popular nga tablets ug phones nga mao ang iPad, iPhone, Samsung Galaxy ug Blackberry. Ang app makuha kining libre diha sa mga iTunes store, the Android market, Blackberry App World ug uban pa.

Sa mga Press Reader, mabasa sa publiko ang kompletong replica nga digital sa ilang mga paboritong Star publications lakip na ang mga hulagway, advertisements, comics, puzzles ug features sa mga pahina nga ilang mga paborito.

Ang first-time user sa Press Readers app makadawat og pito ka isyu sa The Star nga libre.

Ang mga mosunod nga isyu may bayranang $.99 kada download ug $29.95 kada buwan alang sa unlimited access sa bisan asa sa 2,000 ka mga title sa Press Readers store.

Ang Star milusad sa maong serbisyo niadtong Nobiyembre 18, 2011 atol sa pagpahigayon sa 22nd Philippine Advertising Congress didto sa Pili, Camarines Sur diin ang 50 ka mga delegado midaog og mga iPad ug Galaxy Tabs agi og pagtabang sa pagsabwag sa kasayoran bahin sa gitanyag sa The Star nga serbisyong digital.

Ang The Star miawhag sa mga tibasa og pamantalaan sa pag-tweet bahin sa ilang presensya sa iPad ubos sa hashtag #PhilStaronipad ug dunay kahigayonang makadaog og iPad 2!

Sunod lang sa Philstarnews sa twitter ug tweet o re-tweet sa mga mosunod nga text: Read Phil. Star on your tablet or smartphone! Download Press Reader on itunes and get a 7-day free trial. #Philstaronipad.

Usa ka user name, usa usab kini ka entry. Ang contest bukas hangtud sa alas 12 sa tungang gabii.

Ang lone winner niini ipahibalo sa Twitter via Philstarnews. (BANAT NEWS)