Rama nalibog sa pag-usab sa baruganan ni Osmeña vs. 21B route

CEBU, Philippines - Mipadayag sa iyang kalibog si Mayor Michael Rama nunot sa migawas nga report nga nausab ang baruganan ni kanhi mayor ug karon Kong. Tomas Osmeña kabahin sa isyu sa pag-ban sa 21B nga rota sa downtown Cebu City nga nalatid sa City Ordinance 1837.

Ang PUJ’s gikan sa North 21B, 21D, 21A ug uban nga jeepney sa Mandaue kutob lang sa Ayala Center terminal padulong sa North Consolidated Terminal sa North Reclamation Area sumala pa sa CO 1837. Si Osmeña giingong nausab ang baruganan karon ug nagtuong makahatag og dakong problema sa dakbayan ang pag-ban sa maong rota.

Ang CO 1837 gipatuman sa termino ni Osmeña dihang ang mayor kaniadto sa Mandaue ang kasamtangang Provincial Board Member nga si Thadeo Ouano.

Si Rama miingon nga ilang tun-an kun duna bay angayang usbon sa ordinansa. Sumala pang Rama kun kaniadto naimplimentar man nganong karon kinahanglang himuon pang isyu.

“It happened before, it happened in his (Osmeña) time tan-awon lang nato,” matud pang Rama.

Si Osmeña namahayag nga lahi ang rason karon kumparar kaniadto. Nagtuo si Osmeña nga sagad sa pasahero sa jeepneys mga kabus nga nanarbaho.

“Before it was a classic issue of PUJ congestion, many PUJs are coming inside Cebu creating competition worsening congestion on the streets.But another consideration would relate to the migration of people.I assume that most people who use PUJs are poor and they are here to work,” matud pa niini. (BANATNEWS)