Giunay og luba sa bayaw namatay

CEBU, Philippines - Namatay ang usa ka lalaki human kini unaya   og dunggab sa iyang bayaw didto sa barangay Taboc, dakbayan sa Danao sa miaging gabii.

Ang biktima nailhan nga si Alberto Tumulak Jr., minyo, nga taga Taboc, samtang ang suspetsado mao si Romeo Roble, nga bayaw sa biktima.

Nasayran nga nagkalalis ang biktima ug ang iyang kapuyo nga si Odessa Robles bahin sa personal nga butang,

Ang suspetsado nga napungot sa maong away miduol ngadto sa biktima ug imbis tambagan kini aron mohilom, giluba na hinuon ang tuong dughan sa naulahi.

Wala na makaabot nga buhi sa tambalanan sa dakbayan sa Sugbo ang biktima kay nabugtoan kini sa kinabuhi sulod sa sakyanan.

Sa pagkakaron gipangita pa sa kapolisan ang suspetsado kinsa misibat dayon human sa hitabo.   (Lesley Caminade)(BANATNEWS)