Mga taga Banawa - Englis naghinam na pagbuwag sa G'lupe
CEBU - Padayon karon nangandam ang United Banawa-Englis Association Incorporated (UBEAI) alang sa hingpit nang pagbuwag sa duha ka sitio gikan sa barangay Guadalupe.
Matud sa vice president sa UBEAI nga si Jaime Sala, ila nang gihimo ang mga kagamitan alang sa pagpahigayon unya sa plebisito.
Kini sama sa paghimo og mga flyers, streamers, gawas sa pagpreparar sa mga sakyanan alang sa ipahigayon unya nga caravan.
Una nang nipahigayon og signature campaign ang UBEAI aron isuporta sa balaudnon ni Kongresista Antonio Cuenco, nga magbuwag sa Banawa ug Englis gikan sa Guadalupe.
Nagkanayon si Sala nga mokapin sa 8 mil ka mga pirma ang ilang nahipos ug kini ila nang giduso ngadto sa kongresista.
Nasayran nga ang House Bill 5234 ni Cuenco nga gipalabang niadtong miaging buwan giaprubahan na sa unang pagbasa.
Naghinam-hinam na si Sala ug kaubanan sa maayong kalambuan nga isugilon kanila sa kongresista ugmang adlawa. – BANAT NEWS
- Latest
- Trending
