Gidunggab og buak nga botelya tipi

CEBU - Natabas ang nawong, mata ug liog sa usa ka panday nga wala nay kinabuhing napalgan ug gituuhang gidunggab luyong bahin sa construction site nga gitrabahoan niadtong Biyernes sa gabii diha sa barangay Arpili lungsod sa Balamban

Si PO2 Romeo Jaranilla sa Balamban Police Station nga gikahinabi sa Banat News miila sa biktima nga si Dennis Butalid, panday sa G&F builders, stay-in sa bunk house sa construction sa usa ka gitukod nga unibersidad sa nahisgutang barangay ug lumad nga taga Sulongon, La Libertad Negros Oriental.

Matud pa ni PO2 Jaranilla ang nag-roving nga barangay tanod pinanguluhan ni Luciano Carmelotes maoy nakakita sa biktima nga may samad dinunggaban sa walang ibabaw’ng bahin sa mata, dakong samad sa aping ingon man dinunggaban sa liog.

Gituuhang buak nga botelya maoy gigamit sa wala pa mailhing mamumuno.

Ang biktimang si Butalid katapusang nakit-an niana pang pagka-buntag nga nakig-inom uban sa iyang mga higala sa maong gamay’ng tindahan luyo sa gitrabahoan.

Apan matud pa gumikan sa kahubog gikatahong nakatulog kini diha sa lingkuranan ug sunod nga hitabo patay na kining nakit-an, nagduda ang kapolisan nga mga kainom ra niini ang mipatay sa biktima.

Duna na sila’y mga kauban niining gi-pick-up apan gi-release tungod kay huyang usab ang mga ebidensyang magtumbok niini, apan namatikdan sa kapolisan nga daw wala ray nahitabo sa dapit ug walay reaksyon ang mga kaubanan niini sa trabaho. - Guam Logroño (BANAT NEWS)