SLI employees nabalakang mataktak sa trabaho
Nabalaka karon ang ubang mga kawani sa Sulpicio Lines Inc. nga silang 5,000 kapin nga mga kawani ang mawad-an og trabaho gumikan sa padayong pag-ban sa
Ning bag-uhay lang gipahibalo sa SLI nga mag-lay off sila og 136 ka mga empleyado nga mga messman sa cargo-passenger vessels nila nga karon wala pa palargaha sa Marina samtang wala pa mahuman ang inspections.
Ang grupo sa Sulpicio Lines Employees Union nga miyembro sa Associated Labor Union (Crew) nga gipanguluhan ni Genaro Tasan nagkanayon nga duha nalang ka barko sa walo ka pasaheroan sa SLI ang wala pa maapektahi.
Ang maong mga barko maoy miabag karon sa operasyon sa pagpangita sa mga patay’ng pasahero sa nalunod nga MV Princess of the Stars sa Romblon.
Si Tasan usa sa mga messman sa MV Cebu Princess maoy usa sa libuang kawani sa SLI nga nabalakang maapil sa matangtang ug naglaraw sila karong mangayo og financial assistance sa SLI.
Sa sayo pa una nang gikabalak-ang matangtang mao ang 600 ka kawani nga katunga sa kinatibuk-ang trabahante sa mga cargo-passenger vessels sa SLI.
Bisan ang lider usab sa grupo sa Sulpicio Lines Employees Union-ALU (office) nga si Alex Damule sa unyon sa mga empleyadong naa sa opisina, booking, ticketing offices ug uban pang kawaning wala sa operasyon sa barko madestino nabalaka usab nga hasta sila maapektuhan na usab.
Ang Marina wala pa motugot nga mobalik ang operasyon sa SLI hangtud nga di matapos ang inspeksyon sa ilang mga barko tungod sa pagkahitabo sa MV Princess of the Stars.
Kinsa bisan paman sa panawagan sa mga negosyante sa Sugbu nga nakadugang sa pagtaas sa presyo ang kakulangon karon sa barkong modala og produkto dinhi nga ang SLI ray nag-offer niini.
- Latest
- Trending
