6 brgy apektado, mga barko padayong wala palargaha sa PCG
Labing minos unom ka mga bukirang barangay sa dakbayan sa Sugbu ang naapektahan sa paghuros sa bagyong Frank sa miaging adlaw samtang wala gihapon tuguting makalawig ang mga gagmay’ng barko gikan sa Sugbu kagahapon.
Si Moli Guarin sa Cebu City Disaster Coordinating Council (CCDCC) nagkanayon nga dunay gamay’ng landslide sa barangay Binaliw ug natabunan ang kalsada.
Samtang ubay-ubay usab nga mga kahoy ang nangatumba sa barangay Agsungot, Adlaon, Taptap, Sirao ug barangay Sapangdaku apan gitataw ni Guarin nga nakapadala na usab sila og mga tawo ug ekipo paghipos niini.
Gawas pa niini matud pang Guarin nga daghang mga pananom sa mga mag-uuma diha sa maong mga barangay ang gipangtumba sa kusog nga hangin sama sa mais, bulak, ug uban pang mga pananom.
Wala pa hinoon masubay sa CCDCC ang tanang bukirang mga barangay sa siyudad apan nanawag na si Guarin sa mga barangay kapitan aron masuta ang epekto sa bagyo diha sa ilang dapit.
Samtang si Cebu City Police Office director, Sr. Supt. Patrocinio Comendador nga maoy vice chairman sa CCDCC mitug-an sa mga tigbalita nga wala sila makamonitor og dagkong panghitabo kagahapon.
Dunay gitaganang mga beat patrols ang CCPO isip reserve diha sa Camp Sotero Cabahug ingon man on call ang CCPO Medical and Rescue teams para sa bisan unsang katalagman.
Ang Philippine Coast Guard station-
Si Clark Bahinting, boarding officer sa cost guard nga gikahinabi sa Banat News nagkanayon nga gitambagan nila ang tagdumala sa mga barko nga dili mokupiyansa paglarga bisan kun signal #2 ang Sugbu.
Ang naapektahang mga barko magbiyahian sa
Hinuon ning pagsuwat sa balita nagpaabot sila sa weather forecast sa Pagasa Mactan sa alas siete sa gabii kun ugaling mahimo na silang makabiyahe.
Samtang si Ella Comahig, weather forecaster sa Pagasa Mactan mitataw sa Banat News ang bagyong si Frank nitadlas sa Mindoro nga may gikusgon nga 140 ang sentro sa mata samtang ang madalang habagat nga hangin 170 ug moirog sa 15 kilometros matag takna kagabii.
Apan gipasidan-an niini nga delikado gihapon sa mga gagmay’ng barko sa kadagatan nga mobiyahi gumikan sa mga dagkong bawod nga namugna sa maong bagyo.
- Latest
- Trending
