"Naghikog" kay papa mogawas na sa Munti'

Napalgang nagbula ang baba sa usa ka traysikad driver ilawom sa punoan sa Acasia sa sitio Ibapo, Soong I barangay Mactan dakbayan sa Lapulapu kagahapon sa udto.

Ang namatay mao si Jobert Taghoy Malingin, 24, nga sumala pang SPO2 Rolito Jumao-as ug PO1 Ben Anthony Alburo sa homicide section nakit-an sa usa ka 15- anyos nga mi-parking sa maong dapit ug kalit nga natumba ilawom sa punuan sa Acasia.

Gumikan niini gisusi ni Estardo ang nahitabo ni Malingin ug nakurat sa nakita nga nagbula ang baba niini hinungdan dali siyang mitawag og polis.

Usa ka cylophane nga adunay sud nga cyanide ang nakuha diha sa tupad ni Malingin nga gituuhang posibleng iyang giinom.

Gidali kini pagdala sa Lapulapu District hospital apan gideklarar kini nga dead on arrival sa mga mananambal.

Matud pa sa iyaan ni Malingin nga si Felissa Taghoy  naguol kini human masayring mogawas na sa National Bilibid Prison sa Muntinlupa ang amahan niini nga nabilanggo tungod sa paglugos sa amahan sa iyang igsoon.

Gikatahong nagplano ang amahan nga kung kini makabalik na dinhi adto kini moipon kaniya.

Gikumpirmar hinuon ni Taghoy nga mogamit og shabu si Malingin samtang si Jumao-as nagkanayon walay foul play sa lawas niini.