Estraktura duol sa tindahan demolison

Dul-an sa 20 ka mga illegal structures sa Manggahan duol sa usa ka mall diha sa North Reclamation Area ning siyudad sa Sugbu ang gipaabot nga i-demolish sa mosunod nga mga adlaw.

Kini tungod kay ang nahisgutang dapit, maoy himoong relocation site sa mga vendors diha sa dalan Lapulapu Extension nga gitakda usab nga i-demolish.

Matud ni Cebu City Market Administrator Racquel Arce nga ila nang giandam ang ipadala nilang notisya ngadto sa mga manindahay diha sa Manggahan.

Si Arce na maoy gisangonan ni Mayor Tomas Osmeña pagpahiluna sa  balhinan sa  mga vendors tungod usab sa dili maayong taho nga nadawat niini batok sa iyang gisangunan kaniadto.

Gani ang nangreklamong mga manindahay diha sa Lapulapu extension maoy nakaingon nga gitaktak sa mayor ang 17 na ka tuig nga empleyado sa city hall nga si Eldie Concha.