Mga panday kinahanglan para sa CICC

Mga panday, mason ug uban pa nga mga trabahante nga may kasinatian sa konstruksiyon dinhi sa Sugbo adunay dakong kahigayonang makasulod og trabaho sa sunod nga mga bulan niining tuiga.

Kini ang gipadayag ni Mayor Thadeo Ouano isip reaksiyon sa padayon na karong pagproseso sa kagamhanan sa lalawigan sa Sugbo sa kaugmaran sa Cebu International Convention Center (CICC).

Matud pa ni Ouano nga iyang hipanglantawan nga kusog kaayo unya ang panginahanglan og trabahante sa construction sa Sugbo sanglit paspas man ang pagtrabaho sa maong proyekto.

Si Bise Gobernador Gregorio Sanchez nga gikahinabi sa mga tigbalita mipadayag labot sa 18 ka mga contractor nga mo-qualify sa pagsalmot sa subasta sa kaugmaran sa CICC.

Dugang pa niya nga gikatakda ang pagpirma sa kontrata alang sa pagsugod na sa kaugmaran niini nga gihatagan og lugway nga mahuman hangtod sa Nobiyembre 6 niining mao gihapong tuig.