Turismo kusog gihapon - Ace

Bohol - Gipasalig ni Secretary Joseph Ace Durano nga wala maapektohi ang programa sa iyang departamento pagpalambo sa programa sa turismo ilabi na gayud dinhi sa Kabisay-an.

Si Department of Tourism Secretary Durano miingon nga mao kini karon ang gipalapdan sa iyang buhatan sa tinguha nga bisan pa man sa nanghitabo karon sa nasod padayon kining programa bahin sa turismo.

Nalipay siya nga ang mga opisyal lokal padayon usab sa ilang kalihukan kabahin niini.

Nagkanayon si Durano nga ang programa sa turismo dako gayod kaayo og ikatabang alang sa kalambuan sa nasod.

Sa miaging buwan si Durano mihimo sa pagduaw sa nagkalain-laing mga nasod tinguha nga makadani og mga bisita ilabi na gayud sa mga turistang langyaw.

Nalipay hinoon siya nga daghan ang misanong sa ilang gihimong panawagan.