Lokal nga opisyales gihagit sa DILG

Tacloban City - Gihagit sa dakong opisyal sa Department of Interior and Local Government kon DILG and mga opisyal ning dakbayan ingon man sa tibuok Eastern Visayas (Region 8) nga ipatigbabaw gayud pag-ayo ang paghatag ug maayong serbisyo sa katawhan.

Si Regional Director William Paler sa DILG-8 miingon nga kinahanglan gayud nga mahibaw-an sa mga opisyal lokal ang ilang tagsatagsa ka gimbuhaton ug kaakohan ngadto sa katawhan.

Matod pa ni Paler nga angayan mahibaw-an sa mga opisyal lokal nga aduna sila'y dako nga responsibilidad sa katawhan nga nagpaabot sa ilang paghatag sa maayong serbisyo.

Giangkon ni Paler nga ang katawhan nagpaabot gayud sa mga opisyal nga muhatag kanila sa maayong serbisyo.

Si Paler sa iyang bahin miingon nga andam sila nga mupasiugda og mga pagbansaybansay sa mga opisyal lokal.

Kini nga pagbansaybansay gitumong aron gayud mahibaw-an sa matag usa kanila ang ilang responsibilidad sa katawhan.