Ang Kapitbahay (69)
“MAGKAMUKHA kayo ni Berna, Margie—parehong maganda at sexy,’’ sabi ni Vince na nakangiti.
“Salamat Vince—nagsasabi ka nang totoo,” sabi ni Margie at humalakhak.
“Anong course ni Berna?”
“B.S. Tourism.”
“Anong year na siya?”
“Third year.”
“Isang taon na lang at may propesyunal ka ng anak, Margie.”
“Sana ay magkatotoo ang sinabi mo, Vice.”
“Bakit naman?”
“Wala lang.”
“Mukhang seryoso naman sa pag-aaral si Berna.”
“Mahirap magsabi ng tapos. Baka mamaya ay hindi pala ga-graduate.”
“Anong iniisip mo, Margie?”
“Baka biglang mag-asawa si Berna.”
“May boyfriend na ba si Berna?”
Tumango si Margie.
“Pareho sila estudyante?”
“Oo.”
“Baka naman matino ang bf ni Berna at may control sa sarili?”
“Sana nga ganun.”
“Madalas ba silang magkita?”
“Oo.”
“Nagpupunta ba rito?”
“Hindi ko alam. Mula nang lumipat kami rito, hindi ko pa nakikita ang lalaki.”
Nag-isip si Vince. Walang kamalay-malay si Margie na madalas magkita sina Berna at nobyo nito.
Sa bahay pa mismo nagtatagpo. Gaya nung isang araw na dalawang oras ang itinagal ng dalawa sa loob ng bahay.
Hindi nga nakapagtataka kung mag-worry si Margie.
(Itutuloy)
- Latest
