Dioscora (235)
(Ang babaing hindi niya malilimutan)
Ituloy kaya niya ang iniuutos sa kanya ni Tatay SP na paibigin si Mam Dioscora at pagkatapos ay iwanan ito? Ang kapalit ng pagpapaibig niya ay ang pagiging CEO ng kompanya. Natatandaan niya ang mga sinabi ni Tatay SP na siya ang susunod na CEO ng kompanya. Ayon kay SP, matanda na siya at kailangan na niyang ihayag ang susunod na mamamahala sa kompanya. Naniniwala si SP na si JC ang karapat-dapat na tao para mamahala sa kanyang kompanya. Wala na raw iba maliban kay JC. Ganun kalaki ang pagtitiwala sa kanya ni SP.
“B-bakit natigilan kay JC? Anong iniisip mo?’’ tanong ni Mam Dioscora.
“Ha? A e naisip ko lang ang pagbabago mo ng pasya na huwag nang ituloy ang planong pagpapabagsak sa kompanya ni SP.’’
“Hindi ka makapaniwala?’’
“Oo. Kasi, matagal mong pinagplanuhan ang lahat. Marami kang puhunan para maisagawa ang balak at pagkatapos ngayon ay hindi na itutuloy.’’
“Gaya ng sabi ko sa’yo, ayaw kong madamay ka JC. Hindi ka dapat masangkot sa away namin ni Simon Pedro.’’
“Anong balak mo ngayon?’’
“Hindi ko pa alam.’’
“Pero tuloy ang pagganti mo?’’
Tumango si Mam.
“Baka mapahamak ka kung itutuloy.’’
“Hindi ako natatakot.’’
Hindi nagsalita si JC.
“Hindi lang naman ang pag-agaw sa anak ko ang dahilan kaya gusto kong makaganti kay Simon Pedro.’’
“Ano pa?’’
“Gusto kong iganti ang mga naranasan sa kanya—isa siyang hayok sa laman!’’
(Itutuloy)
- Latest