Ate Flora(31)
“KUMUSTA ka Ara? Nasaan ang Ate Flora mo?” tanong ni Aling Cely na ang pagkagulat ay hindi maitago sa ekspresyon ng mukha.
“Nasa bahay po ni Tita Raquel si Ate, ako naman po ay ipinagsama ni Tita sa paggo-grocery. Ma- buti naman po kami Aling Cely…”
“May ibabalita ako tung kol sa mama mo Ara…”
“Ano po iyon Aling Cely?”
“Tinanggal na ang mama mo sa munisipyo. Hindi pa natatagalan. Masyado na ang pagkalulong sa droga.”
“Ang asawa po niya Aling Cely? Sila pa rin po ba ang nagsasama ?”
“Oo. Ang masama ay drug pusher pala at user ang asawa ng mama mo. Matagal na raw palang sinusurveilance ng mga pulis. At baka madamay ang mama mo.”
“Nabalitaan n’yo ba kung naospital ang asawa ni Mama?”
“Hindi ko nabalitaan. Bakit naospital?”
“Nasaksak po siya sa tagiliran, Aling Cely,” sabi ko.
“Wala akong nabalitaan, Ara. Siguro’y kuwentong kutsero lamang ang nabalitaan ninyo.”
“Siguro nga po, Aling Cely.”
“Sige magpapaalam, na ako, Ara. Ikumusta mo ako kay Ate Flora mo. Mag-iingat kayong magkapatid,” sabi ni Aling Cely at mabilis na umalis.
Eksaktong paalis si Aling Cely ay paparating naman si Tita Raquel. Wala na ang lalaki na sinama- han niya kanina.
“Halika na Ara. Napakarami pa nating bibilhin,” sabi ni Tita Raquel na himalang hindi baltik ang utak at marahan ang pagka-kasabi. Ano kaya ang na-kain niya?
“Opo Tita Raquel,” sagot ko.
Marami pa kaming bi- niling pagkain. Parang magkakaroon nang malaking party.
(Itutuloy)
- Latest
- Trending
