Andrea nag-enjoy sa iyang pagka-single

MANILA, Philippines — Gitataw sa  Kapamilya actress nga si Andrea Brillantes nga wala ra siya'y problema sa iyang pagka-single  ilabi na nga prayoridad niya karon ang iyang career.

Suma pa niya nga nalingaw ra siya sa iyang estado karon.

Aminado hinoun ang aktres nga bisan-kinsa dili gyud makaipsot kun kini mahigugma.

"Kasi ang love, ang kaisa-isang emosyon na kahit perfect ka na siguro, kapag tinamaan ka ng pag-ibig, puwede kang manghina," matud pa ni Andrea sa interview niini sa Tao Po.

Hinoun giasoy sa aktres nga base sa iyang kasinatian, dili tanang love story kay dunay nindot nga ending.

Liza mikiha sa PEP

Miduso si kanhi Film Development Council of the Philippines (FDCP) chairperson Liza Diño Seguerra og 78 counts nga kasong cyber libel ngadto sa  Office of the Prosecutor sa Quezon City sa niaging adlaw batok sa   entertainment website nga PEP ug laing mga personalidad. Sa iyang Facebook post, wala niya gidetalye ang rason sa iyang gipasaka nga kaso apan matud pa niya nga nakaguba kini sa iyang reputasyon.  Samtang sa statement sa PEP, wala pa sila kadawat sa kopya  sa kaso nga gipasaka batok kanila busa dili pa sila kahatag og komento.

Heart nakuyapan sa Milan

Gipaneguro ni Heart Evangelista nga maatiman niya ang iyang panglawas busa magbinantayon na gyud siya. Suma pa sa aktres nga dunay higayon nga nakuyapan siya sa dihang nitikang siya sa Milan.

Danica gioperahan

Gibutyag ni  Danica Sotto nga nipaubos siya og operasyon sa niaging adlaw kun diin gitangtangan siya og  gallbladder.Sa iyang Instagram Story, gipakita ni Danica ang hulagway nga nakahigda siya sa hospital bed.“Thank you, Lord, for a smooth and successful procedure. All is well,” matud pa ni Danica.

Leo Dominguez mipanaw

Nagbangotan ang singer nga si  Ogie Alcasid sa pagpanaw sa iyang  talent manager nga si Leo Dominguez sa  LVD Management Corporation.

Gawas kang Ogie, si Leo pud ang manager nila ni  Paulo Avelino, Janine Gutierrez, ug Lovi Poe.

“Salamat Leo sa lahat ng pinagpaguran mo para sa akin. Napakasakit sa dibdib na wala ka na,” suma pa ni Ogie.

Magpadayon gihapon ang operasyon sa LVD Management Corp pinaagi sa pagdumala sa  business partners ni Leo nga sila si  Rey Lañada ug Freddie Blasco. 

Relasyon nga nagkainit Relasyon nga nagkainit

Wala nagpapugong  sa nag-uros uros nila nga gugma sa usag-usa sila si  Camarines Sur Governor Luigi Villafuerte ug Yassi Pressman  atol sa pagbukas sa   2024 Kaogma Festival.

Naghalok gyud ang mag-uyab sulod sa 10  segundos atubangan sa audience .

Nahitabo kini pagkahuman sa ilang song number sa maong kalihokan sa Camarine Sur.

Trending sa social media  ang video sa ilang hinalokay.

Jace milusad sa iyang debut album

Gi-release na dili pa lang dugay sa singer-songwriter nga si Jace Roque ang iyang  debut album nga  “Paradiso”.

Inspirasyon sa “Paradiso” ang “Divine Comedy” ni Dante Alighieri nga nagtuki sa gugma, relasyon ug mental health.

Si  Jace mismo ang nagtagik ug nag-produce  sa tanang 13  tracks sa maong album.

Ang mugna niini kay EDM (electronic dance music) ug nalakip na niini  ang "Sober," "Day and Night," ug"Casual".

“I started building this album in 2017 and it tackles my fall from paradise and my journey back to paradise. It is divided into four chapters–heart, mind, body, and soul. The tracklist will take you through those chapters," matud pa sa maong Star Music artist.

Espesyal kaayo kang Jace ang maong album gumikan kay nakalinya kini sa iyang mga kasinatian.

“This is my life's journey. My highs and lows. The beautiful and the ugly. Everything I've kept hidden and bottled up inside,” dugang pa niya