"Slow dancing", bag-ong single ni Shanaia
Gipalanog na sa kanhi Pinoy Big Brother Kumunity Season 10 housemate nga si Shanaia Gomez ang bag-o niya nga single nga "Slow Dancing" nga naghisgot sa mabulukon nga sinugdanan sa gugma ilabi na sa pagkab-ot sa pangandoy.
I dedicate this song to all the young girls out there who dream big. I never thought I would be able to achieve my dream of releasing my own music and this song represents the power of never giving up and where following your dreams can take you, saysay pa ni Shanaia.
Mao usab kini ang pagpadangat sa nagpahipi nga mensahe nga gusto niyang ipaabot isip tigpasundayag.
"Im still discovering myself as a musician and I feel like with this song Im getting closer to the sound and overall vibe that I want to be as a performer. Its something my younger self never wouldve imagined for myself so I know shed be so happy," dugang pa niya.
Ang "Slow Dancing" kay sinulat ug giprodyus sa Kapamilya artist nga si Jeremy G samtang ang StarPop label head nga si Roque "Rox" Santos maoy nagsilbing supervising producer niini.
Unang gilusad ni Shanaia ang iyang debut single nga Para Sa'yo nga gisundan dayon sa upbeat track nga Awake niadtong 2022.
Sa wala pa mailhi sa PBB, si Shanaia kay niapil sa unang season sa Idol Philippines niadtong 2019.
Gipakita usab niya ang iyang talento sa pag-arte pinaagi sa nagkalain-laing serye nga sama sa Click, Like, Share, He's Into Her, ug FPJ's Batang Quiapo. Kabahin usab siya sa blockbuster movie nga "Rewind" ug sa musical comedy nga "The 25th Annual Putnam County Spelling Bee."
- Latest
