Cebu 2026 budget

Nakuha sa Philippine Center for Investigative Journalism (PCIJ) ang mga dokumento sa Department of Public Works and Highways (DPWH) sa budget sa infrastructure projects sa 11 ka distrito sa Sugbo sa 2026. Niang lista sugod sa kinadak-an:

1.         Cebu 1st (Rhea Gullas): ?3.4 bilyones;

2.         Cebu 4th (Sun Shimura): ?3.2 bilyones;

3.         Cebu 5th (Duke Frasco): ?2.1 bilyones;

4.         Cebu 3rd (Karen Garcia): ?1.9 bilyones;

5.         Cebu City South (Edu Rama): ?1.8 bilyones;

6.         Mandaue (Lolypop Ouano): ?1.57 bilyones;

7.         Cebu 7th (Patsy Caldernon): ?1.51 bilyones;

8.         Lapu-Lapu (Ahong Chan): ?1.4 bilyones;

9.         Cebu 6th (Daphne Lagon): ?1.37 bilyones;

10.       Cebu City North (Cutie del Mar): ?1.33 bilyones; ug

11.       Cebu 2nd (Edsel Galeos): ?874 milyones.

***

Bag-ong topnotcher ang distrito ni Gullas dili tungod kay niburot pag-ayo ang iyang budget kon ikumparar sa nangaging katuigan. Kon dili tungod sa dakong pagtibugsok sa ranggo sa ikapitong distrito.

Nga sa tibuok Sugbo maoy nakakuha sa labing daghang mga proyekto ubos ni kanhi kongresista Peter Calderon sa unang tulo ka tuig sa administrasyon ni Presidente Ferdinand Marcos Jr. sa 2023, 2024, ug 2025.

***

Dili sab kini tungod kay mas maayo si Peter kay sa iyang asawang si Patsy. Kon dili tungod kay pulos natangtang sa puwesto ang duha ka opisyal nga gituohang maoy nagbubo sa kinadak-ang pundo sa ikapitong distrito:

•          Gipulihan pagka chairperson ug busa wala nay tingog sa House Committee on Appropriations si kanhi kongresista Zaldy Co; nga maoy gidudahang amo sa

•          Girelibohan pagka regional director sa DPWH Central Visayas nga si Danilo Villa kinsa linudhan sa kasal ni Peter.

***

Kon tinuod nga gisilotan sa liderato ni House Speaker Bojie Dy ang mga kongresista nga nangahas sa pagbotar batok sa impeachment ni Bise Presidente Sara Duterte karong tuiga pinaagi sa pagtangtang nila sa importanteng mga komitiba, nganong dili man kinagamyan ang mga budget sa tulo ka kongresista nga nisukwahi sa administrasyon:

•          Si Shimura nakakuha sa ikaduhang labing dako nga budget;

•          Si Garcia nakakuha sa ikaupat nga labing dakong budget; ug

•          Si Del Mar bisan ika-napulo ra sa lista mas dako gihapon og nadawat kay ni Galeos nga nibotar pabor sa impeachment ni VP Sara sa niaging tuig ug karong tuiga.

***

Kasaligan namong tinubdan nipasabot nganong wala maapektohi ang gidak-on sa budget sa mga distrito kansang mga kongresista nidupa ni VP Sara:

•          Una, nagpabilin ang mas dagkong budget tungod sa koneksiyon sa district engineers ug ilang paboritong mga kontraktor ngadto sa nasudnong gobyerno; ug

•          Ikaduha, maglaway lang ang mga kongresista nga nisupak sa impeachment kay ang gipasangil nga kickback sa mga proyekto nga ipatuman sa ilang distrito (nga kasagaran moabot og 25%) dili maadto nila kon dili kobrahon sa gitudlong caretaker sa ilang mga distrito nga kasagaran mga sinaligan sa opisina sa House speaker.