P4.1M shabu nasakmit sa drug busts
CEBU, Philippines — Moabot P4.1 milyones nga kinatibuk-ang gidudahang shabu ang nasakmit sa kapolisan sa managlahing mga operasyon sa kapolisan sa Sugbu.
Nadakpan sa mga operatiba sa City Intelligence Unit sa Cebu City Police Office (CCPO) ang usa ka 22 anyos nga lalake nga nakuhaag binulto nga illegal nga drugas atol sa buy-bust operation sa Ludo Cemetery, Barangya Carreta, Siyudad sa Sugbo.
Ang dinakpan mao si Archie Patay alyas Dugong, 22, residente sa Back APM, Barangay Mabolo ning siyudad.Nakuhaan ang suspetsado og 350 gramos sa gituohang shabu nga nagkantidad og P2.3 million.
Samtang usa sab ka 18-anyos nga lalake ang nadakpan sa kapulisan sa Waterfront Police Station 3 sa Cebu City Police Office atol sa ilang buy-bust operation sa Sitio Silangan 1, Barangay Tinago, Cebu City. Ang nadakpan nga 18 anyos, nagpuyo sa Sitio Ponce 2, Barangay Carreta.
Nakuhaan kini og 51 gramos nga illegal nga drugas nga nagkantidad og dul-an P400,000 ug kalibre .38 revolver nga dunay tulo ka bala.
Sa Mandaue City, P1.3 milyones nga 200 gramong shabu ang nasakmit sa kapolisan sa Presino 4 sa Mandaue City Police Office (MCPO) gikan sa security guard nga ilang nadakpan sa buy bust operation sa miaging gabii sa Sitio Orel sa Barangay Banilad.
Si Police Major Erwin sa Avrasado , hepe sa Presinto 4 miingon nga ang susoek maoy tigtagak nila og shabu sa maong dapit.
Sa laing bahin sa tulo ka adlaw nga operasyon sa Lapu-Lapu City Police Office (LCPO) sugod sa Oktobre 11 hangtod sa 13, 2024 mokabat sa P500 mil nga shabu ang nasakmit ug 37 ka tawo ang nadakpan tungod sa nagkalainlaing kalapasan.
Si Police Colonel Dyan Vicente Agustin, Officer-In-Charge (OIC) director sa LCPO miingon nga nadakpan sab nila ang 15 ka mga wanted, ang usa niini top 7 most wanted sa Regional Level tungod sa kasong murder. — Romeo Marantal, Romeo Limpangog, Rowena D. Capistrano (BANAT NEWS)
- Latest
