^

PM Sports

Tropang Giga may tsansa sa grand slam

John Bryan Ulanday - Pang-masa
Tropang Giga may tsansa sa grand slam
Binuhat ng kanyang mga TNT players si coach Chot Reyes matapos lusutan ang Ginebra sa Game 7 ng PBA Finals.
Russell Palma

MANILA, Philippines — Sa ikalawang pagkakataon ay magkakaroon ng tsansa ang Talk ‘N Text na matupad ang mailap na pangarap na PBA Grand Slam.

Nakaumang sa asam na three-peat ang Tropang Giga matapos maghari sa 2025 Commissioner’s Cup at ngayon ay determinadong maisakatuparan na ang hangarin, 14 taon matapos sumemplang sa unang subok.

“With this victory, we’ve put ourselves in that position,” ani TNT head coach Chot Reyes matapos ang 87-83 tagumpay sa overtime ng Game 7 kontra sa Barangay Ginebra kamakalawa sa Smart Araneta Coliseum tampok ang lagpas 21,000 katao.

Ito na ang ikalawang sunod na titulo ng Tropang Giga matapos ding talunin ang Gin Kings, 4-2, sa Governors’ Cup title noong nakaraang taon para sa simula ng PBA Season 49.

Tanging ang Philippine Cup nalang ang natitirang conference sa season na nais ding kubrahin ni Reyes para makumpleto ang misyon na bigo nilang matupad noong 14 taon na ang nakakalipas.

Matatandaang noong 2011 ay nagwagi sa Phi-lippine Cup at Commissioner’s Cup ang TNT sa trangko din ni Reyes bago matalo sa Petron sa Game 7 ng Governors’ Cup para sa purnadang Grand Slam.

Crispa, ang nakagawa nito ng dalawang beses noong 1976 at 1983, San Miguel noong 1989, Alaska noong 1996 at San Mig Coffee (Purefoods) noong 2014, pa lang ang nagiging Grand Slam champions sa kasaysayan ng PBA.

At bagama’t lumapit na ulit ng isang hakbang dito, aminado si Reyes na hindi ito magiging ganoon kadali lalo’t sasalang sila sa duwelo na wala si Jayson Castro at Best Import Rondae Hollis-Jefferson na nakasama nila sa unang dalawang kampeonato.

Mayroong 11 titulo nga­yon ang TNT (ika-6 sa PBA) gayundin si Reyes (ikatlo sa PBA sa likod ng 25 ni coach Tim Cone at 15 ni Baby Dalupan).

CHOT REYES

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with
-->