PNP, nabuwisit kay Bosita!

IMBES na sumikat, mukhang kahihiyan ang ending nitong pamamahiya ni ret. Col. Bonifacio Bosita sa dating kabaro n’ya. Matapos mag-viral ang video sa social media na pinag-ahit ni Bosita ang dalawang pulis sa checkpoint, kumilos kaagad si PNP chief Gen. Jose Melencio “Tateng” Nartatez Jr. at pinaimbestigahan sa Directorate for Operations, Legal Service at Directorate for Investigation and Detective Management ang insidente. Iginiit naman ni PNP spokesman Col. Allen Rae Co na ang magpapahiya sa pulis sa social media ay walang puwang sa PNP organization. Hindi naman binanggit ni Co si Bosita, subalit ipinahayag n’ya, na hindi dapat makialam ang isang ordinaryong mamamayan sa kalakaran ng mga naka-duty na pulis. Mismooooo! Ayon kay Co, ang PNP Legal Service ay nagrerebisa na sa video na maaring magresulta sa pagsampa ng kaukulang kaso. Lalong sisikat si Bosita nito. Anong sey n’yo mga kosa? Hehehe! Kelangan pa bang i-memorize ‘yan?

‘‘Degrading treatment is not an acceptable way of correcting our police officers. If we see something wrong that our police are doing, report it to the proper authority,’’ ayon kay Co. Mismooooo! Sinabi ni Co, na nirerespeto ng PNP ang karapatan ng publiko na iparating sa liderato nila ang mga lehitimong problema, lalo na ang constructive criticism. “This keeps us accountable to continue improving our services but this should be done in the proper way, in the proper forum,” ani Co. Sa kanyang video, makikita si Bosita na nagbigay ng pang-ahit sa dalawang police officers na naka-deploy sa checkpoint, at inutusan ang mga ito na mag-shave habang may nagre-record sa insidente. Purbidang yawaahhhhh! Iginiit ni Co na livestreaming ng naturang insidente ay maaring labag sa privacy ng mga pulis. “Secondly, when we livestream it and show it, it should be done with the consent of those involved. This is respecting the rights and privacy of those involved. This is just a matter of professional courtesy and responsible use of social media,’’ ani Co. Hehehe! Ambot sa kanding nga may bangs!

Si Bosita ay dating naka-assign sa PNPs Engineering Group at ng magretiro ay pumasok sa pulitika. Tumakbo s’ya sa pagka-senador noong 2025 elections subalit umuwing luhaan. Dahil sa pamamahiya n’ya sa dating kabaro n’ya, maraming pulis ang dismayado kay Bosita at mukhang sa kangkungan s’ya dadamputin kapag bumalik s’ya sa pulitika. Araguyyyyy! Parang lumaki na ang ulo nitong si Bosita. Sino kaya ang ipinagmamalaki n’ya? Ano sa tingin mo Napolcom VICEO Atty. Ralph Calinisan Sir? Abangan!