Himala: Kapatid gumaling sa sakit (Part 3)
SINALAT ko ang noo ni Victor. Hindi naman siya nilalagnat pero pinagpapawisan nang malamig.
“Hindi ka naman nilalagnat.”
“Nahihirapan akong huminga, Ate Cora.”
Nataranta ako.
“Dadalhin kita sa clinic diyan sa kanto.”
“Paano ang trabaho mo Ate?”
“Magpapaalam ako. Mas importante na madala kita sa ospital.”
“Sige Ate.”
“Sasaglit lang ako sa restaurant. Mabilis lang ako.”
“Sige Ate.”
Nagmamadalali akong nagtungo sa pinagtatrabahuhan kong restaurant. Kinausap ko ang ang among babae. Sinabi ko na maysakit ang kapatid kong si Victor ay kailangang dalhin ko sa ospital dahil hindi makahinga.
“Sige, Cora. Dalhin mo na sa ospital ang kapatid mo,’’ sabi ng aking amo.
“Salamat po Ate.”
Nagmamadali akong umalis.
Pagdating ko sa bahay ay mabilis kong binihisan si Victor. Tumawag ako ng traysikel. Malapit lang ang clinic pero baka mahirapan si Victor sa paglalakad.
Nang dumating kami sa clinic ay agad siyang sinuri ng doktor.
“Kailangang maidaan sa 2 D echo procedure ang kapatid mo’’ sabi ng doktor.
“Magkano po ang magagastos Doc?”
“Three thousand five hundred pesos.”
(Itutuloy)
- Latest
