Misteryosong ilog sa china, kulay dugo ang tubig!
NAGTATAKA ang mga residenteng nakatira malapit sa isang ilog sa China nang bigla na lamang magkulay dugo ang tubig nito. Ang ilog ay nasa siyudad ng Wenzhou.
Isang umaga, nagising na lamang ang mga residente nang makitang pula ang tubig na umaagos sa ilog.
Isa sa mga nakakatandang residente sa Wenzhou ang nagsabi na sa buong buhay niya, ngayon lamang niya nakitang naging kulay dugo ang ilog.
Hindi naman maisisi sa polusyon ang nangyari sa ilog dahil walang mga kalapit na pabrika na maaring magtambak ng mga kemikal na magdudulot ng kontaminasyon sa tubig.
Nagpadala ang pamahalaan ng China ng mga opisyal na magsusuri sa tubig upang malaman ang dahilan ng pagiging kulay dugo nito.
Hindi ito ang unang insidente sa China na ang isang ilog ay biglang magkulay dugo. Kapareho rin ito ng nangyari sa Yangtze river noong 2012. Sa pagkakataong iyon, isinisi sa mga inanod na buhangin ang pagkakaroon ng kakaibang kulay ng tubig sa nasabing ilog.
- Latest
