Dalawang mukha ng buhay

Ang mabuhay ngayon sa ating daigdig

Mayr’ong maligaya at may nananangis;

May mga mayamang sa dusa ay tigib

At may mga dukhang masaya ang langit!

Isang halimbawang dito’y babanggitin

Sinapit ng buhay ni Donya Isabel;

Noon ay sagana nang buhay si mister

Pumanaw si mister, raket naglaho rin!

Sa tapat ng bahay ng mayamang donya

Mag-asawang hirap doo’y nakatira;

Dahil sa mabait matapat sa kapwa

Tumama sa lotto at milyonaryo na!

Ang saya at lungkot laging magkatapat

Ang mayama’y dukha sa ligayang hangad;

Itong mga dukha sa ligaya’y sagad

Sapagka’t maswerte naging mga anak!