Diksyunaryong may komedya

NAPULOT ko sa iba’t ibang blog sites ang mga salitang Tagalog na sumusunod na nilagyan ng depenisyong nakakaaliw. Sobra akong naaliw kaya inilalathala ko muli:

Abuloy --- bayad sa nahigop na kape at nanguyang biskwit sa nilamayang sakla.

Akala ---- alam na alam daw.

Ama ------ pamilyadong gustong maging binata.

Bakasyon ---panandaliang pahinga sa trabahong hingal lang ang pahinga.

Bakit ---- tanong na laging mahirap masagot.

Baga ----- lutuan ng mga hindi makabili ng microwave.

Bagoong -- masarap na ulam ng mga walang maiulam.

Baldado -- hindi mamamatay-matay na parang hindi na mabubuhay.

Bale ----- suweldong inutang.

Binata ------ lalaking gustong maging ama.

Biyenan ------ anay ng tahanan.

Kaaway --- ikli ng ‘kaibigan na inayawan.’

Kababata -- dating gelpren na may ibang boypren.

Kabag ---- dighay at utot na naghalo sa tiyan.

Kabayo --- hayop na sinasakyan ng kalesa.

Kabit ------ asawa rin pero ekstra lang.

Kalbo ---- gupit ng buhok na korteng itlog.

Dalaga --------- babaeng gustong maging ina.

Dalaginding --- dalagang hindi pa nagsusuot ng bra.

Dighay ------- Utot na lumabas sa bunganga.

E -------- ireng paseksi.

Gahasa --- romansang walang ligawan.

Ginang --- asawa ni ginoo na mukha nang tsimay.

Ginoo ---- asawa ni ginang na may inaasawang iba.

Gipit ---- kalagayan ng tao na suki na ng sanglaan.

Ha ------- sagot ng nagbibingi-bingihan.

(Itutuloy)