12 ‘wanted’ sa Quezon nadakma
CAMP NAKAR, Lucena City, Philippines — Walang kawala ang 12 wanted persons nang maaresto ng Quezon Police Provincial Office (QPPO) sa magkakahiwalay na operasyon na isinagawa ng iba’t ibang operating units sa buong lalawigan bilang bahagi ng pinaigting na kampanya ng pulisya laban sa mga indibiduwal na may nakabinbing warrant of arrest.
Base sa ulat ni QPPO Director PCol. Romulo Albacea, naaresto ng Candelaria Municipal Police Station (MPS) si alyas “Delmar” na nahaharap sa kasong Qualified Theft at si alyas “Agnes” na may kasong Estafa Through Falsification of Public Documents.
Nadakip naman ng San Andres MPS si alyas “Danny” na may kasong Violation of Section 88 ng Republic Act No. 8550. Sa isinagawang operasyon ng 1st Quezon Provincial Mobile Force Company (QPMFC), naaresto sina alyas “Rodil” na may kasong Illegal Gambling at alyas “Totoy”, na kilala rin bilang “Rod,” na nahaharap sa kasong Attempted Murder.
Samantala, naaresto ng Sariaya MPS si alyas “Jeric” na may kasong Grave Threats, habang nadakip ng Lucena City Police Station (CPS) sina alyas “Jayson” na may kasong Slight Physical Injuries at alyas “Joselito” na nahaharap sa kasong Qualified Theft.
Naaresto rin ng 2nd Quezon Provincial Mobile Force Company (QPMFC) si alyas “Genaro”, isang Regional Level Wanted Person, na may kasong murder.
Umiskor naman ang Calauag MPS nang matimbog si alyas “Jeffrey” na nahaharap sa kasong violation of Presidential Decree No. 705.
Naaresto rin ng Jomalig MPS si alyas “Rolandy”, isang Provincial Level Wanted Person, na may kasong paglabag sa Section 5(b) ng RA No. 7610, habang nadakip ng Pitogo MPS si alyas “Ricardo” na may kasong Grave Threats.
- Latest
