Top 6 ‘most wanted’ ng Isabela, nalambat
SANTIAGO CITY, Isabela, Philippines — Dinakip ng pinagsanib na puwersa ng mga awtoridad ang isang tinaguriang top 6 most wanted sa lalawigang kamakalawa.
Kinilala ng Santiago City PNP ang nadakip na si alyas “Torio,” 66, residente ng San Jose, Santiago City at nasa listahan bilang top 6 most wanted ng lalawigan.
Dinakip ng mga tauhan mula sa Tracker Team ng Santiago City Police Station 3 katuwang ang CMFC, CIU SCPO, at RIU 2 CIT Santiago ang akusado sa bisa ng warrant of arrest mula sa Regional Trial Court Branch 21, Santiago City, noong Marso 25, 2024 dahil sa 2 bilang ng statutory rape, 1 bilang ng rape, at paglabag sa R.A. 7610.
Walang kaukulang piyansa ang naging hatol ng hukuman laban sa akusado na nasa pangangalaga ngayon ng Santiago City PNP.
- Latest
