15 mangingisda arestado ng PNP
P1.5 milyong bangka kinumpiska
MANILA, Philippines — Dinakip ang 15 mangingisda at kinumpiska ang tatlong bangka na gamit nila sa isinagawang operasyon ng Philippine National Police (PNP) dahil sa mga paglabag sa lokal na ordinansa sa katubigang sakop ng Barangay Sta. Elena, sa Orion, Bataan, iniulat kahapon.
Ayon sa ulat kay PNP Chief, Police General Jose Melencio Nartatez Jr., noong Sabado, nang arestuhin ang mga mangingisda ng PNP, sa pakikipag-ugnayan sa Bantay Dagat volunteers, kasabay ng pagkumpiska sa mga bangka na nagkakahalaga ng P1.5 milyon.
Kasamang kinumpiska ang mga nahuling marine products.
Pinalaya rin ang mga suspek matapos maglagak ng multa sa Municipal Treasurer’s Office.
Binigyang-diin ni Nartatez na tungkulin ng PNP na maipatupad ang batas para sa kapakanan ng komunidad at kalikasan, alinsunod na rin sa direktiba ni Pangulong Ferdinand Marcos Jr.
- Latest
