3 patay, 4 pa missing sa Bukidnon flash flood

MANILA, Philippines — Tatlo katao kabilang ang isang 13-anyos na binatilyo ang nasawi habang apat pa ang nawawala matapos ang pagragasa ng tubig-baha sa Valencia City, Bukidnon nitong Miyerkules ng gabi na epekto ng bagyong Mirasol.

Sa report ng City Disaster Risk Reduction and Management ng Valencia City, natagpuan,alas-6:39 ng umaga nitong Huwebes ang tatlong bangkay na nalunod nang anurin ng pag-agos ng baha dulot ng malalakas na pag-ulan.

Patuloy namang pinaghahanap ang tatlong katao na nawawala sa lungsod matapos namang tangayin ng malakas na agos ng tubig baha.

Naitala naman sa limang Barangay na kinabibilangan ng Poblacion, Barobo, Bagontaas, Sugod at Lumbo ang apektado ng matinding pagbaha.Nasa lagpas tao naman ang baha sa Brgy. Poblacion.