Bangkero utas sa kidlat

MANILA, Philippines — Patay ang isang bangkero matapos na tamaan ng kidlat sa Alaminos City ng lalawigang ito, kama­kalawa.

Ang biktima na isang 28-anyos binata, residente ng naturang lungsod ay nasa gitna ng dagat at isang kasama nito papuntang Quezon Island para magsundo ng mga turista nang biglang tamaan ng kidlat.

Matapos na tamaan ng kidlat ay walang malay na bumagsak sa sahig ng bangka ang biktima.

Agad na dinala sa Western Pangasinan District Hospital ang biktima na idineklarang dead-on-arrival.