Nanalong kagawad sa Davao del Norte, itinumba!
COTABATO CITY, Philippines —Isang dating sundalo na bagong halal na barangay kagawad sa bayan ng San Isidro sa Davao del Norte ang nasawi matapos na pagbabarilin ng riding-in-tandem nitong Martes.
Kinilala ng San Isidro Municipal Police ang biktima na si Jay Glen Dela Rama, bagong halal na kagawad ng Barangay Sawata sa bayan ng San Isidro.
Sa ulat ng DXMY-Radio Mindanao Network at ng Catholic Station DXMS dito sa Cotabato City, pumanaw sa ospital si Dela Rama, ilang oras bago pagbabarilin ng mga ‘di kilalang suspek sa loob mismo ng kanyang tindahan. Nabatid na si Dela Rama ay retiradong kasapi ng Philippine Army.
Sa imbestigasyon, habang nasa loob ng kanyang tindahan si Dela Rama nang pasukin ng isang lalaki at pinagbabaril nang walang habas, na nakunan ng security camera sa loob ng naturang establisimyento. Agad tumakas ang gunman at kasama nito sakay ng motorsiklo matapos ang pagpatay sa kagawad.
- Latest
