3 ‘most wanted’ na rapist, arestado sa Bulacan
MALOLOS CITY, Bulacan, Philippines — Naaresto ng pinagsanib na pwersa ng Bulacan Police ang tatlong most wanted persons (MWPs) na pawang nahaharap sa kasong rape sa magkakahiwalay na operasyon sa bayan ng Sta. Maria at siyudad ng Malolos kamakalawa ng hapon.
Sa ulat na nakarating sa tanggapan ni P/Col. Relly Arnedo, Bulacan Police director, kinilala ang mga nasakoteng suspek na sina Arnel Silvio, Paolo Mortel at AJK Galvez.
Si Silvio ay kabilang sa Top 1 MWP sa bayan ng Sta. Maria at wanted sa kasong two counts ng acts of lasciviousness, 2 bilang ng kasong pang-aabuso at kasong panghahalay na walang nirekomendang piyansa.
Samantala, nasakote ng mga operatiba ng Malolos Police sina Mortel sa Barangay Tikay at naaresto din si Galvez sa Brgy. Bulihan.
Ang mga naarestong suspek ay pawang mga nakapiit na.
- Latest
