8 magsasaka nasagip sa umaapaw na ilog

MANILA, Philippines — Walong magsasaka ang nasagip ng mga tauhan ng Municipal Disaster Risk Reduction and Management Council (MDRRMC) nang umapaw ang ilog sa Apayao.

Ayon sa Pudtol Municipal Police Station (MPS), nagtungo ang walong magsasaka upang mag-ani ng tanim sa kanilang sakahan sa  Brgy. Alem.

Nabigla ang mga ito nang tumaas ang tubig sa Malunog River na sanhi ng mga pag-ulan at ilan sa mga saksi ang agad na humingi ng tulong sa  mga otoridad.

Agad namang ru­mesponde ang Pudtol MPS, Bureau of Fire Protection at MDRRMC nang ma­tanggap ang tawag at naging mabilis ang pagsagip sa walong magsasaka.