Rider, angkas ­nahulog sa sapa, tepok

CAMARINES SUR MANILA, Philippines —  Kapwa patay ang isang rider at kanyang angkas matapos na mahulog ang minamanehong motorsklo sa sapa sa tabi ng Maharlika National Highway, Brgy.Sto.Domingo,Milaor ng lalawigang ito, kamakalawa ng madaling araw.

Kapwa idineklarang dead-on-arrival sa Bicol Medical Center sa Naga City ang mga  biktimang sina Aljo Cometa Teñoso, ng Zone-6,Brgy.Sagrada Familia,Minalabac; at Jeralyn Precones Albis,ng Zone-5, Brgy.Mabulo, Naga City.

Sa ulat,dakong alas-12:10 ng madaling araw ay mabilis na binabagtas ng Suzuki Smash na motorsiklo na minamaneho ni Teñoso angkas si Albis ang kahabaan ng highway patungong bayan ng San Fernando.

Gayunman nawalan ng kontrol ang motorsiklo at tumalon ito sa sapa sa tabi ng highway.

Kapwa  sinaklolohan ng mga residente at pulis at MDRRMO-Milaor ang mga biktima at isinugod sa pagamutan, pero hindi na sila umabot ng buhay.