Rape suspek natimbog

NORTH COTABATO, Philippines — Kulungan ang bagsak ng isang suspek sa panggagahasa matapos na arestuhin ng mga otoridad sa inilatag na operasyon sa pinagtataguan nito sa Barangay Tambler, General Santos City, kamakalawa ng umaga.

Kinilala ang suspek na si Jerwin Man-on Cretecio, nasa hustong gulang at residente ng Magpet, North Cotabato.

Matagal ang pagmamanman na ginawa ng Provincial Intelligence Team North Cotabato at ng Regional Intelligence Unit 12 (RIU12) laban sa nasabing suspek na nagtatago lamang sa Gensan.

Bitbit ng mga pulis ang warrant of arrest na inisyu ng Judge Arvin Sadiri Balagot ng RTC Branch 17, Kidapawan City nang kanilang salakayin ang akusdao sa loob mismo ng kanyang kubo, alas-10:00 ng u­maga.