P38 milyong shabu nasabat, 2 mister tiklo
CABANATUAN CITY, Nueva Ecija, Philippines — Aabot sa P380,000 na halaga ng umano’y shabu ang nasabat ng pulisya sa dalawang mister sa magkahiwalay na buy-bust operations sa lalawigang ito, noong Miyerkules.
Kinilala ni Police Col. Jaime Santos, acting provincial director, ang dalawang nadakip na suspek na sina Benny Estares, 43, may-asawa, jobless ng Barangay Dicarma, rito; at Rolando Manalastas, 44, may-asawa ng Barangay Sto. Cristo Norte, Gapan City.
Ayon Lt. Col. Barnard Dannie Dasugo, hepe ng Cabanatuan City Police, ang suspek na si Estares ay nahuli nila sa buy-bust sa Purok Champaca Uno ng Brgy. Dicarma, rito, alas-9:00 ng gabi ng Miyerkules at nasamsam dito ang 13 plastic sachet ng umano’y shabu, na may timbang na 50 gramo at nagkakahalaga ng P340,000.
Bandang alas-2:15 naman ng hapon nang maaresto ang suspek na si Manalastas, sa isang buy-bust operation sa Brgy. Sto. Cristo Norte, Gapan City at nakuha ang 3-plastic sachet ng umano’y shabu na may timbang na halos 6 gramo at nagkakahalaga ng P40,000.
- Latest
