^

Probinsiya

Malaysian, 2 kasabwat todas sa shootout!

Joy Cantos, John Unson - Pilipino Star Ngayon
Malaysian, 2 kasabwat todas sa shootout!
Agad nasawi ang Malaysian national at lala­king kasabwat matapos na makipagbarilan sa mga ahente ng PDEA-BARMM sa buy-bust operation sa may dalampasigan ng Brgy. Tubig Mampallam, Bongao, Tawi-Tawi kamakalawa ng hapon. Patay rin sa ospital ang isang babae na kasabwat ng dalawa sa naganap na shootout.
John Unson

MANILA, Philippines — Patay ang tatlong hinihinalang notoryus na drug trafficker kabilang ang isang Malaysian national at babaeng kasabwat habang nasa P13.4 milyong halaga ng shabu ang nakumpiska matapos na mauwi sa shootout ang isinagawang buy-bust operation ng Philippine Drug Enforcement Agency-Bangsamoro Autonomouns Region in Muslim Mindanao (PDEA-BARMM) sa Brgy. Tubig Mampallam, Bongao, Tawi-Tawi kamakalawa ng hapon.

Kinilala ang mga napatay na suspect na sina Janimal Bin Hajad alyas “Ungod”, isang Malaysian; Sansibar Amirul Amil; pawang idineklarang dead-on-the-spot sa insidente habang namatay sa ospital babaeng kasabawat na si Alma Sarikin Amirul.

Nasa kustodya naman ng pulisya ang isa pang babaeng kasamahan ng mga napaslang na si Nurhaipa Ansari Hajim.

Sa ulat, alas-4:50 ng hapon nang isagawa ng pinagsanib na mga elemento ng Philippine Drug Enforcement Agency (PDEA) Tawi-Tawi Provincial Office at ng tropa ng 4th Marine Riffle Battalion ng Philippine Marine, Tawi-Tawi Provincial Police Office (PPO) at iba pang units ng pulisya ang operasyon laban sa mga suspect sa Bon Siao Area, Brgy. Tubig Mampallam, bayan ng Bongao.

Nabatid na aarestuhin na sana ang tatlo kasama si Hajim matapos na mabentahan ng shabu ang nagsilbing poseur buyer ng PDEA, pero bigla silang pumalag at bumunot ng baril si Hajad saka pinaputukan ang Tawi-tawi team ng PDEA-BARMM na pinamumunuan ni Abraham Solon Kalim na nagbunsod ng shootout at ikasawi ng tatlo.

Ang isa pang baba­eng suspek na si Hajim ay naaresto kasunod ng putukan.

Nakumpiska sa operasyon ang tinatayang nasa P13.4 milyong halaga ng shabu na nakasilid sa dalawang malalaking Chinese tea bags.

TRENDING

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with