Helper hulog sa backhoe, pisak
CAVITE, Philippines — Kalunus-lunos ang sinapit ng isang 19-anyos na helper matapos na aksidenteng mahulog habang nakaupo sa may dozer ng backhoe habang umaandar at saka nagulungan habang nagsasagawa ng road widening sa Governor’s Drive Brgy Paliparan 1, Dasmariñas City kahapon.
Sa ulat ni P/Staff Sgt. Donato Almenario, alas-12:10 ng madaling araw habang abala sa konstruksyon sa kalsada ang biktima na sina Jomat Nicolas, 19-anyos at driver ng backhoe na Helbert Pipae, 30, sa nasabing lugar nang biglang mahulog mula sa pagkakaupo sa nasabing sasakyan ang una hanggang sa tuluy-tuloy na masagaan. Hindi agad napansin ng driver sa bilis ng pangyayari ang kasama kaya agad napisak ang biktima.
Ilang minuto pa bago naitakbo sa pagamutan ang biktima na idineklarang dead-on-arrival.
- Latest
