Mt. Pulag nadamay sa wildfire

TUGUEGARAO CITY,  Cagayan, Philippines — Muli na namang sumiklab ang isang forest wildfire sa Kabayan, Benguet na umabante patungo sa direksyon ng Mt. Pulag national park sa pamamagitan ng trail sa Barangay Akiki, kahapon ng umaga.

Ayon kay Captain Peter Camhol Jr., hepe ng Kaba- yan Police Station, hindi makalapit ang mga awtoridad sa lugar ng sunog dahil sa matarik nitong bangin, mga nahuhulog na bato at iba pang debris kasama na ang ma-kapal na usok na umaakyat mula sa ilalim ng bundok.

Ikinalungkot ni Fire Officer 2 Billyduck Palasi ng Kabayan Bureau of Fire Protection na hindi makapasok ang mga fire trucks sa lugar kaya’t wala muna silang magawa kundi obserbahan sa malayo ang kaganapan ng sunog.

Katatapos lamang maa­pula ang 9 na araw na sunog sa Barangay Kabayan Baryo noong Miyerkules na ikinaabo ng may 150 ektaryang kagubatan.

Kasabay ng paniba-gong sunog ay ang isa pang kasalukuyang forest fire sa Brgy. Ambassador, Tublay, Benguet na ikinasira na ng 20 ektaryang pine forest ang nagaganap.

Ipinaliwanag ni Arnold Battung ng Department of Environment and Natural Resources sa Cagayan Valley na kahit malamig ang klima ay flammable ang dagta ng pine tree sa isang Coniferous forest gaya ng matatagpuan sa Benguet.