Tricycle bumaligtad, 4 sugatan

TUGUEGARAO CITY, Cagayan, Philippines — Malubhang na- sugatan ang apat na magkakaanak matapos dumausdos at bumaligtad sa highway ang sinasakyang traysikel na minamaneho ng isang 60-anyos na lolo sa Sitio Bucnit, Brgy. Namitpit, Quirino, Ilocos Sur kahapon.

Kinilala ng pulisya ang mga isinugod sa ospital na sina lolo Alejandro Vilog at mga pasaherong sina Willy Degay 55, Marcelo Petines 55, Angel Petines,11 at Mylyn Petines,10, pawang mga residente rin sa nabanggit na lugar.

Sinasabing hindi naka­yanan ng pulso ng matanda ang handle bar ng motorsiklo na nagsanhi upang gumewang at dumausdos ang sasakyan hanggang sa bumaligtad sa gilid ng kalsada dakong alas-10:00 ng umaga.

Dahil sa pagbaligtad ay tumilapon at nagpagulong gulong sa kalsada ang mga biktima na masuwerteng hindi nadaanan ng mga tumatakbong trak.